Matamlay

Am7 – Dm7

 

Matamlay

Ako ay

Matamlay

Mahina pa sa lantang gulay

Hindi makalangoy sa agos ng buhay

Hindi makaagapay

sa bilis ng mga bagay-bagay

Patang-pata, pagod na pagod,

hindi makagulapay, matamlay.

Dahil lang ba ito sa lumbay

Lungkot ng walang kaakbay?

 

Matamlay.

Isa akong bahay

na walang suhay

Walang katibayan ng pagkatibay.

Ay, ay,

Ay bagyo, huwag ka ngayong sumabay.

 

Gusto kong magkasungay

At buntot ng tambay na kaaway

Manakit para ikaw naman ang umaray

Pero wala,

Pero walang makapagbigay.

 

Matamlay

Hindi ko na mabulay

Maski pagkakaugnay

ng siomai, babay, himlay, at tinapay.

 

Matamlay, balikat ko’y hindi na pantay.

Matamlay, pumapalag  na ang atay ng aking tatay.

Matamlay, naghihintay na lang ng mahal

na araw ng patay.

 

Hay, hay,

Hay, ano nga ba ang tunay?

Meron pa bang tunay?

 

Matamlay. Matamlay. Matamlay.