Hindi Mo Alam

Hindi mo alam

kung ano’ng mahalaga

habang nariyan ka pa

habang hindi pa uwian

 

Hindi mo alam

na mahal pala kita

na mahal mo pala ako

habang hindi pa nagpapaalam

 

Hindi mo alam

na hindi ko sinasadyang

saktan kita

Gayon ka rin sa akin

 

Hindi mo alam

na matalas ang patalim ng umaga

habang gabi, madilim

at wala kang nakikita

 

Hindi mo alam

pero malalaman din

kapag huli na

o kaya’y hindi pa

 

Hindi mo alam

at hindi na malalaman

dahil nakapikit

at ayaw kitang makita

 

Hindi mo alam

na hindi ko sinasadyang

saktan kita

Gayon ka rin sa akin

 

Hindi mo alam

na matalas ang patalim ng umaga

habang gabi, madilim

at wala kang nakikita

Kunwari

Kunwari mahal mo ako.

Kunwari mahal kita.

Kunwari wala kang mahal pang iba.

At ikaw lang ang iniibig ko.

 

Nasaan tayo?

Nasa malayong lugar.

Malayo sa lahat ng bagay.

 

Nasaan tayo?

Sa tabindagat,

sa burol,

sa parang,

sa pampang.

 

Kunwari mahal mo ako.

Kunwari mahal kita.

Kunwari wala kang mahal pang iba.

At ikaw lang ang iniibig ko.

 

Nasaan tayo?

Sa piling ng isa’t isa.

Hanggang kailan?

Hindi ko alam.

 

Hanggang kailan?

Ito ba’y mahalaga?

Ngayong sandali

ay magpakailanman.

 

Kunwari mahal mo ako.

Kunwari mahal kita.

Kunwari wala kang mahal pang iba.

At ikaw lang ang iniibig ko.

 

O di kaya’y kunwari, hindi magkakilala.

Kunwari hindi magkaibigan.

Kunwari hindi tayo nagmahalan.

Kahit minsan lang.

 

            Kunwari mahal mo ako.  Kunwari mahal.  Kunwari mahal kita.         Mahal na mahal kita.  Kunwari wala kang mahal pang iba.

At ikaw lang ang Kunwari mahal mo ako. Ikaw lang ang

            Kunwari mahal kita. Ikaw lang ang Wala kang mahal pang iba.

                                        Wala kang mahal pang iba.

                                                            Ikaw lang ang iniibig ko.

Harana

Hayaan mong haranahin kita

habang himbing ang hangin at gabi
kapiling mo.

Ako na lang ang dudungaw
sa bintana ng panaginip mo.
Huwag ipikit ang sarili
habang hindi tapos ang awit.

At pakakawalan ko ang mga bituin

Pakakawalan

Pakakawala ko ang mga bituin:
Malaya ka na sa akin.

Marupok

(E-G#m-A-B)

 

marupok

marupok pa sa sapot

marupok pa sa sulok

inaalikabok

 

marupok

marupok pa sa antok

marupok pa sa gusot

hindi makalusot

 

kay hina ko

kay hina ng pag-ibig ko sa yo

gumuguho parang bato

parang ako sa yo

 

marupok

marupok pa sa kurot

marupok pa sa gapok

sinisinok

 

marupok

marupok pa sa rupok

marupok pa sa limot

kinakalmot

Baguio

Verse 1: Am - F - E (la)

lumindol kahapon sa baguio

pero walang namatay na tao

walang natarantang aso

walang tahanang gumuho

 

lumindol kahapon sa baguio

pero sa loob ko

nayanig ang dibdib ko

pagsara mo ng pinto

 

Chorus: C - Em - F - G (sol)

walang kasinlamig ngayon sa baguio

walang kasinlungkot ngayon sa baguio

wala wala wala wala ngayon ngayon ngayon ngayon

ngayong wala ka na sa tabi ko

 

Verse 2:

lumindol sa baguio kahapon

pero walang nabasag na garapon

walang naipit na pagong

walang iuuwi sa kahon

 

lumindol sa baguio kahapon

pero dito hindi doon

ang puso ko'y nabaon

di ka na babalik, iyong tugon

Kay Lungkot

G - Em - C

 

(ti re)

VERSE 1

hinahawakan ko ang kamay mo

habang hawak ko ang kamay niya

 

hinahalikan ko ang labi mo

habang hinahalikan ko ang labi niya

 

VERSE 2

hinahaplos ko ang buhok mo

habang hinahaplos ko ang buhok niya

 

minamahal kita

habang minamahal ko siya

 

(sol la) (ti re)

CHORUS

kay lungkot ng ganitong pag-ibig

kay lungkot ayoko nang umibig

 

BRIDGE

kung pag-ibig nga ba itong maituturing

pero anong  itatawag ko sa nararamdaman kong ito

Nangungulila

Salita ni Jose Corazon De Jesus

Musika ni Khavn

 

Berso: G – D/F# - Em – D – C – Bm – Am – D

 

Huwag kang iibig nang dahil sa pilak

Pilak ay may pakpak

Dagling lumilipad

Pag iniwan ka na, ika’y maghihirap

 

Huwag kang iibig nang dahil sa ganda

Ganda’y nagbabawa

Kapag dumadami?

Ang lahat sa mundo’y

Sadyang nag-iiba

 

Koro: C – Bm – Am – Bm

 

Nangungulilang puso ko

Kailanpama’y sumusuyo

Ulila’t busog sa siphayo

 

Nangungulilang puso ko

Lagi na lang kalaguyo

Ng palad ko sawing hingalo

 

INSTRUMENTAL

 

Huwag kang iibig nang dahil sa pilak

Pilay ay may pakpak

Huwag kang iibig nang dahil sa ganda

Ganda’y nag-iiiba

 

KORO